काठमाडौं । नेपालले आइसिसी टि-२० विश्वकप एसिया क्षेत्र फाइनल छनोटको सेमिफाइनलमा युएईले नेपालसमक्ष १३५ रनको लक्ष्य प्रस्तुत गरेको छ । माथिल्लो मुलपानी क्रिकेट मैदानमा टस जितेर पहिला ब्याटिङ गरेको युएईले निर्धारित २० ओभरमा ९ विकेट गुमाउँदै १३४ रन जोडेको हो ।
युएईले सुरुवाती ३ ओभरमै २९ रन बनाएको थियो । तर चौथो ओभरमा सोमपालले १ रन आउटसहित २ विकेट लिएपछि नेपाल खेलमा फर्किएको थियो ।
नेपालका लागि कुशल मल्लले सर्वाधिक ३ विकेट लिए । ३ ओभरमा १० रन मात्रै खर्चिएर ३ विकेट लिएका हुन् ।
त्यस्तै सन्दीप लामिछानेले, सर्वाधिक २ विकेट लिए उनले ४ ओभरमा १४ रन मात्रै खर्चिएर १ मेडनसहित २ विकेट लिए । त्यस्तै रोहित पौडेलले १ विकेट लिए ।
नेपालले आजको खेलमा १ परिवर्तन गरेको छ । घाइते दीपेन्द्रसिंह ऐरी खेल्दा सन्दीप जोरा बेन्चमा छन् । विजेता टोली २०२४ को टि-२० विश्वकप खेल्न पाउनेछ ।
युएईका लागि भृत्य अरविन्दले अर्धशकीय पारी खेले । कप्तान मोह्मद वासिमले २६, आशिफ खानले १३, अलिशान शाराफुले १६ रन जोडे ।