गोरखा । आज बिहान गएको भुकम्पमा परी गोरखा सदरमुकाममा १ जना महिला घाईते हुनुका साथै केही घरहरुमा क्षती पुगेको छ । घाईते महिला गोरखा नगरपालिका–३ नारेश्वर भोगटेनीकी ३० बर्षिया ससुरी थापा भएको जिल्ला प्रहरी कार्यालय गोरखाले जानकारी दिएको छ ।
घाईते महिला आफ्नै पक्की २ तले घरको माथिल्लो तलामा पुजाको थालीहरु माझदै गर्दा भुकम्प जादाँ छत माथीबाट हामफालेका थिए । थापाको गोरखा अस्पतालमा सामान्य उपचार पछि थप उपचारकोलागी चितवनको पुरानो मेडिकल कलेज पठाएको पनि प्रहरीले जानकारी दिएको छ ।
उनको बायाँ खुट्टा भाँचिएको र ढाँडमा गंभिर चोट देखिएकोले चितवन रिफर गरिएको गोरखा अस्पताल प्रशासनले जानकारी दिएको छ ।
प्रहरीले दिएको जानकारी अनुसार गोरखाको शहिदलखन, भिमसेन थापा र गण्डकी गाउँपालिकामा रहेका अधिकांस पुराना घरहरु चर्किएको छ । विवरण संलकन भईरहेकाले क्षतीको एंकिन विवरण आउन अझै केही समय लाग्ने पनि प्रहरीले जानकारी दिएको छ ।
आइतबार बिहान ७ बजेर ३९ मिनेट जाँदा ६ दशमलव १ रेक्टर स्केलको भूकम्प गएको वरिष्ठ भूकम्पविद् डा.लोकविजय अधिकारीले जानकारी दिए ।
