साँकेतिक तस्बिर
काठमाडौं । गाईघाटको त्रियुगा नगरपालिकामा बस्ने १ जना युवकलाई आफ्नै श्रीमतीको हत्या गरेको आरोपमा प्रहरीले पक्राउ गरेको छ । पक्राउ पर्नेमा त्रियुगा नगरपालिका–५ श्रीपुर बस्ने ३२ वर्षीय पिटर राई भएको प्रहरीले पुष्टी गरेको हो ।
पिटरले आफ्नै ३० वर्षीया छविमाया राईको हत्या गरेको अभियोगमा पक्राउ गरिएको प्रहरीले जानकारी दिएको छ ।
सामान्य घरायसी बिवादमा पिटरले श्रीमतीलाई प्रेसर कुकर प्रहार गर्दा गम्भीर घाइते भएकी थिइन । घाइते छविमायाको जिल्ला अस्पताल उदयपुरमा उपचारको क्रममा मृत्यु भएको थियो ।
घटना लगत्तै जिल्ला प्रहरी कार्यालय उदयपुर र ईलाका प्रहरी कार्यालय जलजलेबाट खटिएको प्रहरीहरुको टोलीले राईलाई पक्राउ गरेको प्रहरीले जनाएको छ ।
उक्त घटनाबारे प्रहरीले थप अनुसन्धान गरिरहेको जनाएको छ ।