गोरखा । उत्तरी गोरखाको साम्दोबाट लेक लागेको ३ जना बिरामीलाई आज हेली मार्फत उद्वार गरिएको छ ।
चुमनुव्री गाउँपालिका–१ साम्दोबाट लेक लागेर बिरामी परेका सिरानचोक गाउँपालिका–३ हर्मीका वसन्त घिमिरे, चितवनस्थित भरपुरका कपिल घिमिरे र भरतपुर–४ का सुवोध अर्याललाई हेली मार्फत उद्वार गरिएको प्रमुख जिल्ला अधिकारी दिनेशसागरस भूषालले जानकारी दिए ।
प्रजिअ भुसालका अनुसार एयर डानेष्टीको हेलीकप्टर मार्फत साम्दोबाट उद्वार गरी काठमाडौं लगिएको हो । लार्के पासका लागि हिँडेका उनीहरुलाई साम्दोमा लेक लागे पछि हेली मार्फत उद्वार गरिएको थियो ।
उद्वार गरेर राजधानी पुरर्याएका तिनै जना आ–आफ्नो घर तर्फ फर्किएको जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक अनुपम श्रेष्ठले जानकारी दिए ।
तस्बिर प्रतिनिधी सभा साँसद राजेन्द्र बजगाईकाे फेसबुक पेजबाट