गोरखा । उत्तरी गोरखाको ईजारागाउँमा महिलालाई बलात्कार प्रयास गरेको आरोपमा गोरखा प्रहरीले १ जना पुरुषलाई पक्राउ गरेको छ । पक्राउ पर्नेमा आरुघाछ गाउँपालिका–८ आरुपोखरीका ५१ बर्षिय एकनारायण न्यौपाने भएको जिल्ला प्रहरी कार्यालय गोरखाका प्रहरी नायब उपरिक्षक तथा सुचना अधिकारी रमेशकुमार श्रेष्ठले जानकारी दिए ।
पक्राउ परेका न्यौपानले साउन २५ गते बिहीबारका दिन बिान ९ः३० बजेको समयमा बलात्कार प्रयास गरेको भन्दै उजुरी दर्ता भएको प्रनाउ श्रेष्ठले जानकारी दिएको हो । स्थानिय ‘ड कुमारी’ नाम परिवर्तनलाई न्यौपानेले आफ्नो बारीमा रहेको कागतीको बोट गोडमेल गर्न भन्दै डाकेको र महिला एक्लै भएपछी बलात्कारको प्रयास गरेको उजुरीमा उल्लेख गरिएको छ ।
न्यौपानेलाई प्रहरीले असोज २७ गते शनिबारका दिन पक्राउ गरीएको थियो । प्रहरीले उनी उपर जबरजस्ती करणी उद्योग शिर्षकमा मुद्वा दर्ता गरेको छ । न्यौपानेलाई २९ गते सोमबार गोरखा अदालतबाट म्याद थप गरी प्रहरीको हिरासतमा राखी अनुसन्धान सुरु गरिएको प्रहरीले जनाएको छ ।