साँकेतिक तस्बिर
गोरखा । बलात्कार मुद्वा गोरखा सदरमुकामबाट १ जना पुरुषलाई प्रहरीले नियन्त्रणमा लिएको छ । प्रहरीले नियन्त्रणमा लिएका ब्यक्ति गोरखा नगरपालिका–४ फिनाम घर भएका गोपाल भनिने दिपकबहादुर बानियाँ भएको जिल्ला प्रहरी कार्यालय गोरखाका प्रहरी नायब उपरिक्षक तथा सूचना अधिकारी रमेशकुमार श्रेष्ठले जानकारी दिए ।
सूचना अधिकारी श्रेष्ठले दिएको जानकारी अनुसार पक्राउ परेका ब्यक्तिले बौद्विक अपाङ्गता भएकी ३१ बर्षिया ञ कुमारी (नाम परिवर्तन) लाई ललाई फकाई बलात्कार गरेको आरोप लागेको छ ।
बानियाँले उक्त महिलालाई बिवाह गर्छु भनि भाद्र २१ गते बिहीबारका दिन दिउसो ३ः३० बजेको समयमा गोरखा नगरपालिका–८ को ढुङ्गागाडेमा रहेको नेत्रहिन संघको भवनमा रहेको शौचालयमा लगी बलात्कार गरेका थिए ।
पिडित महिलाको आफन्त मार्फत गोरखा प्रहरीमा जबरजस्ती करणी मुद्वा परे लगत्तै बानियाँलाई प्रहरीले असोज १५ गते सोमबार पक्राउ गरेको जिल्ला प्रहरी कार्यालय गोरखाले जानकारी दिएको छ ।
पक्राउ परेका बानियाँलाई सोमबार नै गोरखा जिल्ला अदालतबाट म्याद थप गरी प्रहरीको हिरासतमा राखेर अनुसन्धान थालेको सूचना अधिकारी श्रेष्ठले जानकारी दिए ।
