गोरखा । गोरखा सदरमुकाममा भोली शनिबारदेखी ९औं ओसनकप अन्तर विद्यालय स्तरिय फुटवल प्रतियोगिता हुने भएको छ । द ओसन क्लब अफ गोरखाको आयोजनामा हुने उक्त प्रतियोगिता पुस २१ गतेसम्म सञ्चालनमा आउने छ ।
अण्डर १३ अन्तरर्गत गोरखा नगरपालिका भित्रका १० विद्यालयको सहभागितामा रहेको क्लबका अध्यक्ष अमित खत्रीले जानकारी दिए । उनका अनुसार प्रतियोगिता लिग कम नकआउटको आधारमा सञ्चालन हुने छ ।
असोज १३ गतेदेखि सञ्चालनमा आउने प्रतियोगिता प्रत्येक हप्ताको शनिबार मात्र खेलाइने क्लबले जनाएको छ । प्रतियाेगिता गाेरखा नगरपालिका-९ काे लक्ष्मी बजारमा रहेकाे दलभञ्जयाङकाे खेल मैदानमा हुने छ ।
प्रतियोगिता सम्पन्न गर्न ५ लाख रुपैया खर्च हुने अनुमान गरिएको छ । प्रतियोगितामा प्रथम र दोस्रो हुने टिमले क्रमश. ७ र ५ हजार नगद सहित मेडल र प्रमाण पत्र पाउने छन् ।
प्रतियोगिता सञ्चालन गर्न गोरखा नगरपालिकाले सहभागी टिमहरुलाई खाना, खाजा र यातायात खर्चको व्यवस्था गर्नै पनि अध्यक्ष खत्रीले जानकारी दिए ।