काठमाडौं । नेपाली बजारमा मंगलबारदेखि सुनको मूल्य निरन्तर ओरालो लागिरहेको छ । नेपाल सुन चाँदी व्यववसायी महासंघका अनुसार मंगलबारदेखि आज शुक्रबारसम्म सुन प्रतितोलामा ३ हजार ४०० घटेको हो ।
गत मंगलबार छापावाला सुनको मूल्य प्रतितोला ४०० सय रुपैयाँले घटेको सुन बुधबार प्रतितोला ८०० रुपैयाँ घटेको थियो ।
त्यस्तै बिहीबार प्रतितोला १ हजार ४०० रुपैयाँ घटेको सुनको शुक्रबार प्रतितोला ८०० रुपैयाँ घटेको हो । योसँगै वितेको ४ दिनमा सुनको मूल्य प्रतितोला ३ हजार ४०० रुपैयाँले घटेर आज छापावाल सुन प्रतितोला १ लाख ८ हजार ८०० रुपैयाँमा कारोबार भईरहेको छ ।
त्यस्तैगरी, आज तेजाबी सुन प्रतितोला १ लाख ८ हजार ३०० रुपैयाँमा कारोबार भइरहेको महासंघले जनाएको छ ।
आजै चाँदीको मूल्य भने बढेको छ । अघिल्लो दिनको तुलनामा प्रतितोला २५ रुपैयाँले बढेर आज प्रतितोला १ हजार ३९५ रुपैयाँमा कारोबार भइरहेको छ ।