गोरखा । नेपाल कम्युनिस्ट पार्टी (माओवादी केन्द्र) को भातृ सगठन योङ्ग कम्युनिष्ट लिग (वाइसीएल) गोरखाले जिल्ला भित्रका कालोपत्रे सडकमा समेत कच्चीको भाडादर कायम रहेको भन्दै तत्काल नयाँ भाडादर कायम गर्न माग गरेको छ ।
जिल्ला प्रसासन कार्यलय गोरखामा आज वाइसीएलले सार्वजनिक सवारी भाडादर समायोजन गर्न ५ दिने अल्टिमेटम दिदै आम सर्वसाधरणको दैनिक जिवनमा उपयोग हुने यातयात क्षेत्रको विकृति नियन्त्रण गर्न र भाडा दरको बैज्ञानिक समायोजन गर्न वाइसीएलले माग गरेको हाे ।
गोरखाको पालुङटार नगरपालिका र सिरानचोक गाउपालिका क्षेत्र भित्रका मध्यपहाडी लोकमार्ग र अन्य सडकखण्ड त्यस्तै गोरखा घ्याम्पेसाल आरुघाट सडक खण्ड लगायत सडकहरु कालोपत्रे भइसकेको लामो समय हुँदा समेत सार्वजनिक भाडादर भने कच्चिकै कायम रहि आएको भन्दै पक्कीको भाडादर तोक्न वाइसीएलले माग गरेको छ ।
वाइसीएलले पटक पटक जिल्ला प्रशासन कार्यलय, सरोकारवाला पक्षहरुलाई ध्यानाकर्षण पत्र बुझाउदा समेत वेवास्ता गरिएकोले अब तत्काल माग सम्बोधन नभए कडासंघर्षको कार्यक्रम घोषणा गर्न बाध्य हुने चेतावनी समेत दिएको छ ।
प्रसासनलाई बुझाएको अल्टिमेटम पत्रमा सिरानचोक गाउँपालिका-६, महटारबाट करिव १५ किलोमिटर दुरीमा रहेको १२ किलो बजारको बसभाडा प्रति ब्यक्ति १६० रुपैया लिदै आएको उदाहरण समेत पेश गर्दै सार्वजनिक यातायातले मनोमानी रुपमा पक्की सडकमा समेत कच्चीको भाडादर उठाउदा समेत राज्य र प्रशासन मौन बस्नु लुटको प्रसासन निरीह बनेको र प्रसासन बिहिनताको आभास जनतामा भएको उल्लेख्य गरिएको छ ।
अल्टिमेटम पत्रमा सार्वजनिक सेवाको नाममा मनोमानी भाडा लिने कामलाई ५ दिन भित्रमा सरोकारवालाहरुले कानुन बमोजिम नयाँ भाडा दर कायम नगरिए चरणबद्ध रुपले सम्पुर्ण सार्बजनिक यातयात बन्दसम्मको संघर्षको कार्यक्रम अगाडी बढाउने चेतावनी वाइसीएलले दिएको छ ।
साथै वाइसीएलले संघर्षको कार्यक्रमले घोषणा गर्नुपरे सर्वसाधारणमा पर्न जाने असुविधा र घट्नसक्ने सबै घटनाको जिम्मेबारी सम्बन्धित निकायले लिनुपर्ने चेतावनी समेत दिएको छ । वाइसीएल गोरखाका सयोजक सागर श्रेष्ठको नेतृत्वमा प्रसासन पुगेको टोलीले साहायक प्रमुख जिल्ला अधिकारी पुष्कर रानालाई अल्टिमेटम पत्र बुझाएको हो ।
