दाङ । तुलसीपुर उपमहानगरपालिका–११ बेलटाकुरास्थित भगवती टोल बस्ने ४३ वर्षीया रिता लामिछानेको खुकुरी प्रहारबाट ज्यान गएको छ । उनको हत्या आरोपमा सोही ठाउँ बस्ने ३९ वर्षीय टेकबहादुर हमाललाई प्रहरीले पक्राउ गरेको छ ।
लामिछाने आफ्नै घर अगाडि उभिरहेको अवस्थामा टेकबहादुरले एक्कासि खुकुरी प्रहार गर्दा उनको घटनास्थलमै ज्यान गएको दाङ प्रहरीले जानकारी दिएको छ ।
टेकबहादुरले सोही ठाउँ बस्ने ४५ वर्षीय वीरबहादुर हमाल तथा उनकै आमा ६५ वर्षीया कमलाकुमारी हमालसमेत आक्रमण गरी गंभिर घाइते बनाएको ईलाका प्रहरी कार्यालय तुलसीपुरले जानकारी दिएको छ ।
घ६ना लगत्तै ईलाका प्रहरी कार्यालय तुलसीपुर र प्रहरी चौकी जसपुरबाट खटिएको प्रहरीलेहरुको टोलीले टेकबहादुरलाई उनकै घरबाट खुकुरीसहित पक्राउ गरेको थियो ।
साथै खुकुरी प्रहारबाट घाइते भएका दुवै जनालाई उपचारको लागि राप्ती प्रादेशिक अस्पताल तुलसीपुर पठाइएकोमा वीरबहादुर उपचार पश्चात घर फर्किएको र कमला कुमारीको भने थप उपचारको लागी नर्सिङहोम नेपालगंजमा पठाइएको प्रहरीले जानकारी दिएको छ ।
घटनाका सम्बन्धमा प्रहरीले अनुसन्धान सुरु गरेको जनाएको छ ।