साँकेतिक तस्बिर
गोरखा । साता दिन बित्न नपाउदै गोरखामा अर्को १ जना महिलाको शव फेला परेको छ । गोरखा गनरपालिका–१३ रामशाह टोलकी ६५ बर्षिया निरुपा भट्टराई आफ्नै घर भित्र मृत्त अवस्थामा फेला परेको जिल्ला प्रहरी कार्यालय गोरखाका प्रहरी नायब उपरिक्षक तथा सूचना अधिकारी रमेशकुमार श्रेष्ठले जानकारी दिए ।
उनका अनुसार शव डिकम्पोज भएको अवस्थामा फेला परेको हो । स्थानिय बासीले छिमेकी घरबाट गन्ध आउन थालेका जानकारी प्रहरीलाई दिए लगत्तै बिहीबार प्रहरीको टोली घर भित्र पुग्दा महिलाको शव सड्न थालेका अवस्थामा फेला परेको थियो ।
६५ बर्षिया महिला आफ्नो छोरा संग बस्दै आएको पनि प्रहरीले जानकारी दिएको छ । मृत्तक महिलाको शव अहिले पोष्ट मार्टमकालागी गोरखा अस्पतालमा ल्याएको छ ।
प्रहरी सुत्रका अनुसार उनका छोरालाई नियन्त्रणमा लिएर सोधपुछ भई रहेको छ ।