काठमाडौं । नेपाली बजारमा सुनको मूल्य ५०० रुपैयाँले बढेको छ । नेपाल सुन चाँदी व्यवसायी महासंघका अनुसार ५०० रुपैयाँले बढेर सुन आइतबार प्रतितोला १ लाख १२ हजार ३०० रुपैयाँमा कारोबार भइरहेको छ ।
त्यस्तै तेजाबी सुन प्रतितोला १ लाख ११ हजार ७५० रुपैयाँ कायम रहेको छ । शुक्रबार छापावाल सुन प्रतितोला १ लाख ११ हजार ८०० रुपैयाँ र तेजावी सुन १ लाख ११ हजार २५० रुपैयाँमा कारोबार भएको थियो ।
सुनको मूल्य बढेसँगै चाँदीको मूल्य पनि बढेको छ । चाँदी प्रतितोला १ हजार ४०० सय रुपैयाँमा कारोबार भइरहेको छ ।