गोरखा । गोरखा सदरमुकामको लक्ष्मी बजारबाट झगडा गर्न निस्किएका १ जना युवकलाई प्रहरीले खुर्पा सहित नियन्त्रणमा लिएको छ । बिहीबारराती करिब १० बजेको समयमा गोरखा नगरपालिका–९ लक्ष्मीबजारका १९ बर्षका छोटु भन्ने अनुप बस्नेतलाई प्रहरीले खुर्पा सहित पक्राउ गरेको जिल्ला प्रहरी कार्यालय गोरखाका प्रहरी नायब उपरीक्षक एवं सूचना अधिकारी रमेशकुमार श्रेष्ठले जानकारी दिए ।
हातमा खुर्पा लिइ सोही ठाउँका २१ का ज्योतीराज पुडासैनीलाई गाली गलौज तथा धाक–धम्की दिई अभद्र व्यवहार गरेको घटनामा बस्नेतलाई प्रहरीले पक्राउ गरेको हो ।
पिडितले घटनाको सम्बन्धमा प्रहरी कार्यालयमा जाहेरी दिएपछि बस्नेतलाई पक्राउ गरी अभद्र व्यवहार शीर्षकमा मुद्दा दर्ता गरी अनुसन्धान अघि बढाएको गोरखा प्र्रहरीले जनाएको छ ।
पक्राउ परेका बस्नेत माथि जिल्ला प्रसासन कार्यालय गोरखाबाट म्याद थप गरी प्रहरीको हिरासतमा राखेर अनुसन्धान थालिएको प्रहरीले जानकारी दिएको छ ।