साँकेतिक तस्बिर
गोरखा । गोरखा बजारमा शर्पकाे टाेकाईबाट १ जना महिला घाईते भएकी छिन् । उनलाई गोरखा अस्पतालमा सामान्य उपचार पछि थप उपचारको लागि चितवन लगिएको छ ।
गोरखा नगरपालिका–६ डाँढ गाउँमा बस्ने ४२ बर्षिया १ महिलालाई हिजो राती शर्पले ढसेको र उपचारको लागि अस्पताल भर्ना गरिएको गोरखा अस्पतालका सूचना अधिकारी कृण्ण ढकालले बताए । ‘हिजो राती सर्पले टोक्यो भनेर एक जना महिला भर्ना हुन आएको’ भन्दै सूचना अधिकारी ढकालले भने ‘पिडित महिलामा रगत पातलो हुने अवस्था आए लगत्तै हामीले चितवन रिफर गर्यौ ।’
गोरखा अस्पतालमा शर्पदंशको उपचार र भ्याक्सीन तथा दक्ष जनशक्ति नभएका कारण चितवन रिफर गरिएको उनले बताए । ‘तराईमा जस्तो पहाडमा शर्पदंशको बिरामी कम हुने भएका कारण हाम्रो अस्पतालमा दक्ष चिकित्सक नभएको’ भन्दै उनले ‘अवस्था जटिल होला कि भनेर तत्कालै रिफर गर्यौ ।’
उनले केही समय भित्रै अस्पतालमा भ्याक्सिनको ब्यवस्था हुने र तालिम प्राप्त चिकित्सक र मेशिन समेत आउन लागेको हुदा अब त्यस्ता केश आएको अवस्थामा जिल्ला अस्पतालमा नै उपचार हुने पनि जानकारी दिए ।
ति महिलामा अहिले रगत पातलो हुने अवस्था र्सिजना भए पछि अस्पतालले रिफर गरेको अस्पताल प्रशासनले जानकारी दिएको छ । सोमबार राती उपचारको लागि आएकी ति महिला ‘भाइपर’ प्रजातिको शर्पले ढसेको पनि अस्पतालले जनाएको छ ।
अस्पतालमा रहदा पिडित महिलाको प्रत्येक ४-४ घण्टामा रक्त परिक्षण गरिएको पनि सूचना अधिकारी ढकालले बताए । ‘उक्त प्रजातिको शर्पले ढस्दा कि त रगत पातलो हुन्छ कि त बाक्लो । दुवै अवस्थामा भ्याक्सिनले काम गर्ने हो’ उनले भने ‘अस्प्तालमा रगत पातलो हुदा र बाक्लो हुदा अपनाउनु पर्ने विधीको मेशिन पनि छैन ।’
साना शहरी खानेपानीको अफिसमा बस्ने ति पिडित महिलाले गोरखा समाचारलाई दिएको जानकारी अनुसार राती ८ बजेतिर कुडो लिएर जाने क्रममा बाटोमा खैरो रंगको शर्पले टोकेको हो । त्यस लगत्तै उनी गोरखा अस्पताल भर्ना भएकी थिइन ।
ल्याबले दिएको रिर्पोट अनुसार रगत पातलो हुदै गएका कारण उनलाई समयमा नै चितवन रिफर गरिएको हो । यस्तो अवस्थामा शरिरको भित्री भागमा रक्तश्राव हुन सक्ने भएका कारणले पनि नजिकको स्थान चितवन रिफर गरिएको गोरखा अस्पतालका चिकित्सकहरुले जानकारी दिए ।
पिडित महिलाको अवस्थामा अहिले सामान्य रहेको छ ।
