गोरखा । गोरखा जेसिज गोरखाको आजबाट जेसिज सप्ताह सुरु भएको छ । सप्ताहको पहिलो दिन आज जेसिजले पदयात्राबाट आफ्नो कार्यक्रमको थालनी गरेको छ ।
पदयात्रा गोरखा नगरपालिका–६ को ठुलो आँगनबाट शुरु भएर दरर्बार मार्ग हुदै गोरखकाली मन्दिर परिषरबाट उपल्लोकोट–कुहिरेभिर–माहुरेभिर हुदै स्टोन पार्कमा आएर समापन हुने छ ।
यात्रा अगाडी ठुलो आँगनमा भएको कार्यक्रममा गण्डकी प्रदेशका मुख्यमन्त्री सुरेन्द्रराज पाण्डेले गोरखा जेसिजका अध्यक्ष पुष्कर गुरुङलाई यात्राको शुभारम्भ गर्दै नेपाली राष्ट्रिय झण्डा र जेसिजको झण्डा हस्तान्तरण गरेका थिए ।
पदयात्रामा शुरु गर्नु पूर्व स्थानिय टोल बिकास संस्थाले सगुन दिएर बिदाई गरेको र पदयात्रामा ३५ जनाको सहभागीता रहेको मुल संयोजक सुजित श्रेष्ठले जानकारी दिए ।
पदयात्रा अगाडी भएको कार्यक्रममा गोरखा नगरपालिका प्रमुख कृण्णबहादुर राना मगर, प्रमुख जिल्ला अधिकारी दिनेशसागर भुसालका साथै सुरक्षा निकायका अन्य प्रमुख र संघ संस्थाका प्रमुख तथा प्रतिनिधीहरुको उपस्थिती रहेको थियो ।
सप्ताहभर ट्राफिक सचेतना, सरसफाई तथा रंगरोगन, बक्तृत्वकला, साईबर क्राईम सम्वन्धी तालिम, खाद्यान्न र शैक्षिक सामाग्री वितरण कार्यक्रम रहेको पनि गोरखा जेसिजले जानकारी दिएको छ।
