गोरखा । गोरखाको गण्डकी गाउँपालिकाले चेपाङ समुदायको सवैभन्दा ठूलो पर्व न्वाँगी (छोनाम) को अवसरमा सार्वजनिक विदा दिने निर्णय गरेको छ । भाद्र २२ गते परेको न्वाँगी पर्वमा असवरमा गाउँपालिकाले सावर्जनिक विदा दिने निर्णय गरेको हो ।
सार्वजनिक विदाका दिन पालिका अन्तरर्गतका सवै सरकारी तथा पालिका भित्रका गैह्रसरकारी कार्यालयका सेवा बन्द रहने गाउँपालिका अध्यक्ष दिपक तिमेल्सिना (साकार) ले जानकारी दिए । न्वाँगी पर्वका अवसर पारेर गाउँपालिकाले विविध कार्यक्रमको समेत आयोजनामा गरेको छ ।
कार्यक्रममा चेपाङ जातिको साँस्कृतिक झाँकी प्रदर्शन, साँस्कृतिक नृत्य, गीत लगायतको प्रर्दशन र प्रस्तुती रहने गाउँपालिका अध्यक्ष तिमेल्सिनाले जानकारी दिए ।
न्वाँगी पर्वमा अवसरमा गाउँपालिका भित्र बसोबास गर्ने चेपाङ समुदायको विभिन्न सरकारी तथा गैरसरकारी संस्थामा उल्लेखनीय योगदान गर्ने व्यत्तिहरुलाई सम्मान गर्ने कार्यक्रम समेत तय गरिएको गाउँपालिकाले जनाएको छ ।
त्यस्तैगरी, उत्कृष्ट झाँकी प्रर्दशनी गर्ने समुहलाई पुरस्कृत गरिने भएको छ ।
गोरखाको गण्डकी गाउँपालिका र सहिद लखन गाउँपालिकामा चेपाङ समुदायमा बाहुल्यता रहेको गाउँपालिका हो । गण्डकी गाउँपालिकाको वडा न १, २, ६ र ७ मा चेपाङ जातिको बाहुल्यता रहेको छ ।