फाईल तस्बिर
मकवानपुर । हेटौंडा उपमहानगरपालिका–१५ चुरीयामाई मन्दिर नजिकबाट नेपाली नक्कली नोटसहित २ जना युवकलाई प्रहरीले पक्राउ गरेको छ ।
पक्राउ पर्नेमा रौतहट कटहरीया नगरपालिका–६ बस्ने १९ वर्षीय धर्मेन्द्र महरा र सोही नगरपालिका–१ बस्ने २१ वर्षीय दिपेश दास रहेको मकवानपुर प्रहरीले पुष्टी गरेको हो ।
उनीहरुको साथबाट प्रहरीले १ हजार दरका ९५ थान नक्कली नोटबरामद गरेको छ । विशेष सूचनाको आधारमा प्रहरी चौकी रातोमाटेबाट खटिएको प्रहरीले धर्मेन्द्र र दिपेशलाई उक्त परिणामको नक्कली नोटसहित पक्राउ गरेको जनाएको छ ।
नियन्त्रण पछि थप अनुसन्धानको क्रममा संलग्नता खुल्न आएका राक्सिराङ गाउँपालिका–२ बस्ने ४० वर्षीय बिजय तामाङलाई समेत पक्राउ गरेको प्रहरीले जनाएको छ ।
पक्राउ परेकाहरुका सम्बन्धमा प्रहरीले आवश्यक अनुसन्धान सुरु गरेको जनाएको छ ।