गोरखा । गोरखा जिल्लाकै प्रसिद्ध धार्मिकस्थल मनकामना मन्दिर परिषरमा हुने फोहोर व्यवस्थापनका लागि मनकामना क्षेत्र विकास समितिलाई डस्टविन सहयोग प्रदान गरिएको गरिएको छ ।
लायन्स क्लब अफ मनकामना मन्दिरमा आउने भक्तजनहरुले गर्ने फोहोरको उचित व्यवस्थापनका लागि समितिलाई डस्टविन उपलब्ध गराएको क्लबका अध्यक्ष मनोज जोसीले जानकारी दिए ।
‘मन्दिरमा पुजाआजाका लागि आउने भक्तजनहरुले ल्याउन फुल प्रसाद लगायतका अन्य सामग्री यत्रतत्र फालिदिदा मन्दिरको सौन्दर्यता बिग्रदै जाने भएका कारण फोहर ब्यवस्थापनका लागि उक्त सामाग्री प्रदान गरिएको अध्यक्ष जोशीले बताए ।
क्लबले प्रदान गरेको १० डस्टविन मध्ये ५ वटामा कहिने फोहोर र ५ वटामा नकुहिने फोहोर संकलन गरेर व्यवस्थापन गर्न सकिने क्लबले जानकारी दिएको छ ।
समितिलाई उपलब्ध गराएको डस्टविन क्लबले आफ्नो सामाजिक उत्तरदायित्व अन्तरर्गत उपलब्ध गरेको पनि क्लबले जनाएको छ ।
क्लवले यसअघि मनकामनामा रक्तदान कार्यक्रमका साथै वृक्षारोपण कार्यक्रम सम्पन्न गरेको थियो ।
