गोरखा । गोरखा प्रहरीले बालिका बलात्कार आरोपमा २ जना पुरुषलाई नियन्त्रणमा लिएको छ । प्रहरीले नियन्त्रण लिएकाहरुमा भीमसेन थापा गाउँ पालिका–१ मसेल घर भएका ५१ बर्षिय ‘क कुमार’ (नाम परिवर्तन) र पालुङटार नगरपालिका–१० अमराई घर भएका ३२ बर्षिय हरि लामिछाने भएको गोरखा प्रहरीले पुष्टी गरेको छ ।
जिल्ला प्रहरी कार्यालय गोरखाका प्रहरी नायब उपरिक्षक एवं सूचना अधिकारी रमेशकुमार श्रेष्ठले दिएको जानकारी अनुसार भीमसेन थापा गाउँपालिकामा १९ बर्षिया ‘ङ कुमारी’ (नाम परिवर्तन)लाई बलात्कार गरेको आरोपमा पक्राउ गरिएको हो । पक्राउ परेका ‘क कुमार’ले शारीरिक अपाङगता भएकी महिलालाई भाद्र १ गते दिउसो १ः३० बजे ललाई फकाई बलात्कार गरेको भन्ने पिडितको आफन्तबाट किटानी जाहेरी परेपछी पक्राउ गरीएको हो ।
त्यस्तैगरी गोरखा नगरपालिका–७ नयाँ बजारमा डेरागरी बस्ने १६ बर्षिया ‘घ कुमारी’ नाम परिवर्तनलाई साउन १९ गते बेलुकी ८ बजेको समयमा बालिकाकै डेरामा बलात्कार गरेको आरोपमा प्रहरीले पक्राउ गरेको हो ।
पिडित बालिकाको आफन्तले किटानी जाहेरी दिए पछी पालुङटार नगरपालिका–१० मिरकोट, अमराईका ३२ बर्षिय लामिछानेलाई पक्राउ गरिएको जिल्ला प्रहरी कार्यालय गोरखाले जानकारी दिएको छ ।
पक्राउ परेका दुवैजना उपर जबरजस्ती करणी कसूर शिर्षकमा मुद्वा दर्ता गरीएको छ । दुवै जनालाई आतबार नै गोरखा जिल्ला अदालतबाट थप अनुसन्धानका लागि म्याद थप गरी प्रहरीको हिरासतमा राखेर अनुसन्धान सुरु गरिएको पनि प्रहरीले जानकारी दिएको छ ।
