गोरखा । गोरखा सदरमुकाममा रहेको सिद्वि गणेश बचत तथा ऋण सहकारी संस्था लि.ले गएको आर्थिक बर्षमा करिब ६२ लाख नाफा गर्न सफल भएको छ । संस्थाको शनिबार सदरमुकामा भएको १३औं साधारण सभामा कोषाध्यक्ष बिशाल राना मगरले प्रतिवेदन सुनाउदै ६१ लाख ९३ हजार ७३२ रुपैयाँ नाफा कमाउन सफल भएको जानकारी गराए ।
गोरखा नगरपालिकाका मेयर कृण्णबहादुर राना मगरको प्रमुख आतिथ्यतामा भएको साधारण सभामा सचिव काजिराम श्रेष्ठले संस्थाको प्रगती प्रतिवेदन प्रस्तुत गरेका थिए ।
कुल १ हजार ३५५ जना सदस्य रहेको साकोसले १५ करोड २४ लाख ८९ हजार १६६ रुपैयाँ ८० पैसा लगानी गर्दा उक्त नाफा कमाउन सफल भएको संस्थाका अध्यक्ष शरदबावु कट्टेलले जानकारी दिए । उनका अनुसार सोही अवधीमा १८ करोड ४२ लाख ९२ हजार ६९४ रुपैयाँ ६४ पैसा निक्षेप संकलन गर्न सफल भएको थियो ।
गोरखा नगरपालिका कार्य क्षेत्र रहेको साकोसले अगामी दिनमा जिल्ला भरी कार्य क्षेत्र रहने गरी अर्को सहरकारी संग मर्जरको तयारी गरेको पनि अध्यक्ष कट्टेलले जानकारी दिए ।
संस्थाले आवधिक, मासिक, साधारण, चल्ती, बिशेष, नारी, बाल, जेष्ठ नागरिक, कर्मचारी भुपु सैनिक र बाल भविष्य बचत खाता सञ्चालन गर्दै आएको र कृषि, पर्यटन तथा घरेलु उद्योग, किस्ताबन्दी, घरायसी, हायर पर्चेज, सामुहिक जमानी, अल्पकालिन, ब्यापारीक र मुद्वती बचत कर्जा लगानी गर्दै आएको ब्यवस्थापक गणेश श्रेष्ठले जानकारी दिए ।
संस्थाका अध्यक्ष शरद कट्टेलको अध्यक्षतामा भएको १३औं साधारण सभामा हिमचुली साकोसका अध्यक्ष रामबावु श्रेष्ठ र जिल्ला बचत तथा ऋण सहकारी संघका सचिव सुशिल अर्यालले शुभ कामना मन्तब्य राखेका थिए ।