साँकेतिक तस्बिर
गोरखा । गोरखा बजारकी एक महिलाले नचिनेको मानिसलाई आफ्नो मोबाइलमा आएको ओटिपी कोड दिदा खाताबाट १ लाखभन्दा बढी रकम गुमाउन पुगेकी छिन ।
गोरखा नगरपालिका–६ पाटेचौर निवासी ति महिलाले ह्याकरबाट आएको फोनमा बैंकको ओटिपी कोड दिदा १ लाख ३ हजार ८८० रुपैयाँ गुमाएकी छिन् ।
ति महिलाले अपरिचित मोबाइल नम्बरबाट आफु बैंक कर्मचारी बोलेको भन्दै खाता पुरानो भएकोल रिन्यु गनुपर्ने विश्वास दिएर आफ्नो मोबाइलमा आएको ओटिपी कोड दिएकी थिइन । ‘फोन बैंकको कर्मचारी बोलेको हुँ तपाईको खाता पुरानो भएछ भनेर पहिला खाता नम्बर माग्यो’ उनले भनिन् ‘त्यस पछि मेरो मोबाइलमा आएको कोड माग्यो दिदा खाताको रकम सबै झिकेछ ।’
पिडित महिलाको गोरखा बजारमा रहेको एनएमबि बैंकको खातामा रहेको पैसा मध्ये उक्त रकम ह्याक गरेर अर्को बैंकमा सारीएको छ । हामीलाई प्राप्त जानकारी अनुसार अहिले उक्त रकम ग्लोबल आईएमई बैंकमा पुगेको र त्यहाँ होल्ड गरिएको छ ।
पिडित महिलाले ह्याकरले रकम निकालेको भन्दै जिल्ला प्रहरी कार्यालयमा उजुरी दर्ता गराएको जिल्ला प्रहरी कार्यालय गोरखाका प्रहरी प्रमुख प्रहरी उपरिक्षक अनुपम श्रेष्ठले बताए । ‘हिजो वहाँको खाताबाट रकम झिकेको भन्दै निवेदन दर्ता भएको’ भन्दै श्रेष्ठले भने ‘अदालतको अनुमती पछि मोबाइलको कल डिटेलका मागिएको माग्ने काम भएको छ ।’
यता जिल्ला प्रहरी कार्यालयले केही दिन यता त्यस्ता घटना बढी घट्न थालेको भन्दै सबैलाई सजग हुन आग्रह गरेको छ । त्यस्तै गरी, एनएमबी बैंक गोरखाका शाखा प्रमुख केशव रेग्मीले आफ्नो मात्र नभएर कुनै पनि बैंकका कर्मचारीहरुले ग्राहक संग ओटिपी कोड नमाग्ने हुदा कोही कसैले पनि त्यसरी कोड दिन नहुने बताए ।
हामीलाई प्राप्त जानकारी अनुसार आइतबार ह्याकरले उक्त रकम ह्याक गरेर ३–४ वटा बैंकमा ट्रासफर गरेर ग्लोबल आईएमई बैंकमा पुरर्याएका थिए ।