काठमाडौ । नेकपा माओवादी केन्द्रले बजेट पारित गर्न आफ्ना सांसदहरुलाई म्यासेज पठाएको छ । आगामी आर्थिक वर्षको बजेट आज प्रतिनिधिसभाबाट पारित गर्ने भएपछि सो पार्टीले आफ्ना सांसदहरुलाई म्यासेज पठाएको हो ।
माओवादीका साँसदहरुलाई प्रमुख सतेकबाट मोबाइलमा म्यासेज पठाइएको छ । सामाजिक सञ्जालमार्फत सन्देश पठाइएको माओवादी केन्द्रले जानकारी दिएको छ ।
बजेट पारितको पक्षमा उभिन भन्दै प्रमुख सचेतकको नम्बरबाट म्यासेज आएको माओवादीका एक सांसदले बताए । उनले भने सबै सांसदहरु बजेट पारितको पक्षमा छ ।
आजै प्रतिनिधिसभाबाट बजेट पारित हुने कार्यक्रम तय गरिएको छ । प्रधानमन्त्री पुष्पकमल दाहालले विनियोजन विधेयक, २०८० अन्तर्गत प्रधानमन्त्री तथा मन्त्रिपरिषद्को कार्यालय, राष्ट्रिय योजना आयोगको सचिवालय, राष्ट्रपतिको कार्यालय एवं उपराष्ट्रपतिको कार्यालयको विभिन्न शीर्षकहरूमाथिको छलफलको क्रममा उठेका प्रश्नहरूको जवाफ दिनेछन् ।
आज प्रतिनिधिसभाबाट बजेट पारित भएपछि राष्ट्रियसभाबाट सोही प्रक्रिया पुरा गर्नुपर्ने व्यवस्था छ ।