महोत्तरी । पेस्तोल देखाएर दिनदहाडै एनएमबी बैंकको महोत्तरी शाखामा लुटपाट भएको छ ।
मंगलबार दिउँसो साढे १२ बजे ४ जनाको समूहले पेस्तोल ताक्दै लुटपाट गरेको जिल्ला प्रहरी कार्यालयका प्रहरी नायब उपरिक्षक एवं सूचना अधिकारी दिलिप गिरीले बताए ।
बैंकका अनुसार ३८ लाख रुपैयाँ लुटपाट भएको छ । ४ जनाको समूहमा आएका व्यक्तिहरुले प्रहरीलाई खबर गरे गोली हान्ने धम्की दिँदै लुटपाट गरेका हुन् ।
लुटपाट गर्ने समूको खोजीकार्य तिब्र रुपमा गरिएको प्रनाउ गिरीले बताए । लुटपाट भएको सीसीटभी फुटेजसमेत बाहिरिएको छ । उक्त फुटेजमार्फत् लुटपाट गर्नेहरुको खोजी भइरहेको प्रहरीले जनाएको छ । लुटपाट गर्ने आएकाहरु सबैले हातमा पेस्तोल बोकेको प्रहरी जानकारी दिएको छ ।
उनीहरुले मुखमा पट्टी बाँधेका थिए । लुटेराहरुको समूहले बैंकबाट पैसाको पोको बोकेर बाहिर निस्केको फुटेजमा सहजै देख्न सकिन्छ ।
पेस्तोल देखाएर फिल्मी शैलीमा लुटिएको एनएमबी बैँक।
महोत्तरी शाखा😐️ pic.twitter.com/qWrpuM57UF— दीप (@Deepsu0) May 30, 2023