गोरखा । नेपाल पत्रकार महासंघ गोरखा शाखाको भवन निर्माणको लागि भीमवीरेश्वर महादेव आध्यात्मिक महोत्सव तथा श्रीमद्भागवत सप्ताह ज्ञान महायज्ञबाट आर्थिक सहयोग प्रदान गरिएको छ ।
महायज्ञको मुल समारोह समितिले शुक्रबार शाखाको गोरखा नगरपालिका–७ को नगरपालिका रोडमा निर्माणधिन भवनको लागि १८ हजार रुपैयाँ नगद सहयोग उपलब्ध गराएको हो ।
उक्त रकम शाखाका अध्यक्ष नरहरी सापकोटा र प्रदेश समावेशी सचिव सुशिलबावु श्रेष्ठ (कैलास) लाई समितिका महासचिव नारायण लामिछाने, सचिव भरत खनाल र कोषाध्यक्ष लिला श्रेष्ठले संयुत्त रुपमा हस्तान्तरण गरेका थिए ।
आर्थिक सहयोग उपलब्ध गराएकोमा अध्यक्ष सापकोटाले समितिलाई धन्यबाद दिदै उक्त रकम निर्माणाधिन भवनमा प्रयोग गरिने बताए ।
महासंघको भवन प्रदेश सरकार र जिल्ला भित्रका विभिन्न पालिका तथा संघ संस्था एवं सहयोगिहरुबाट प्राप्त रकमले निर्माण भई रहेको छ ।