गोरखा । शहीद लखन गाउँपालिकाले विद्युतिय प्रणालीबाट घरनक्सा पास गर्ने भएको छ । गाउँपालिकाले चालु आर्थिक बर्षदेखि कार्यान्व्यन हुनेगरी विद्युतिय घर नक्सापास प्रणाली लागू गर्न लागेको हो ।
गाउँपालिका अध्यक्ष रमेशबाबु थापामगरका अनुसार विद्युतिय प्रणाली लागू गर्नका लागि प्रक्रिया समेत सुरु गरेको छ । यो प्रणाली लागू गर्न गाउँपालिकाले परामर्श दाताहरुको छनोट प्रकृया सुरु गरेको छ ।
परामर्श दाता छान्नका लागि सूचना आब्हान गरिसकेको भन्दै छिट्टै कार्यान्व्यन प्रक्रियामा आउने पनि अध्यक्ष थापामगरले जानकारी दिए। उनका अनुसार यही पुस २० गतेभित्र परामर्श दाताहरुको दरखास्त संकलन गरिने र उत्कृष्ठ परामर्श दाताको छनोट गरी काम अघि बढाइउने छ ।
गाउँपालिकाले चालु आर्थिक बर्षको बजेटमा पालिकालाई विद्युतिय घर नक्सा पास प्रणालीमा लैजान आवश्यक बजेट समेत बिनियोजन गरेको थियो ।