गोरखा । कम्प्यूटर एशोसियशन अफ नेपाल महासंघ गोरखा शाखाको अध्यक्षमा सुदिप कोइराला सर्व सम्मत चयन भएका छन् । तनहुँको पर्यटकीय क्षेत्र अकला मन्दिर परिषरमा आज भएको अधिवेशनले कोइरालालाई अध्यक्षमा सर्व सम्मत चयन गरेको हो ।
शाखाको नवौ साधारण सभा तथा चौथो अधिवेशनबाट उपाध्यक्षमा बावुराम तिवारी, सचिवमा भक्तराम राना, सह सचिवमा पूर्णकुमारी शाही र कोषाध्यक्षमा जनराज कोइराला सर्व सम्मत बिजयी भएको क्यान गोरखाले जनाएको छ ।
त्यस्तै गरी सदस्यहरुमा खोपबहादुर राना, सुसारा राना, दिनेश श्रेष्ठ र रुवेन्द्र कुवर बिजयी भएका छन् । अन्य २ सदस्य भने नव निर्वाचित कार्य समितिको पहिलो बैकले निर्णय गर्ने अध्यक्ष कोराइलाले जानकारी दिए ।
अकलामा भएको कार्यक्रममा चेम्बर अफ कमर्श गोरखाका अध्यक्ष भाईचन्द्र श्रेष्ठले ब्यानर पढेर साधारण सभाको उदघाटन गरेका थिए ।
कार्यक्रममा क्यान गण्डकी प्रदेशका सचिव केशवराज भट्टराई, नवलपुर उद्योग बाणिज्य संघका महासचिव सागर पोखरेल र क्यान गोरखाका संस्थापक अध्यक्ष असोकबावु रानाले शुभ कामना मन्तब्य राखेका थिए ।
