गोरखा । गोरखाको गोरखनाथ गुफामा आजबाट १९औं रोट महोत्सव सुरु भएको छ । महोत्सव १२ गतेसम्म सञ्चालनमा आउने सिद्धाश्रम शक्ति केन्द्रका रामजी अर्यालले बताए ।
विश्व शान्तिको कामना गर्दै केन्द्र गोरखाको गोरखनाथ गुफामा २०६१ सालदेखी ‘सवालाख रोट महोत्सव’ गर्दै आएको छ । बैशाख पूर्णीमादेखि ११ दिनसम्म चल्ने रोट महोत्सवमा यस पटक स्वदेश तथा विदेशबाट गरी २५ हजार भन्दा बढी भक्तजनले सहभागीता जनाउने केन्द्रले जनाएको छ ।
०७७ र ०७८ सालमा कोरोना महामारीका कारण सामान्य रुपमा मनाईएको महोत्वस यस बर्ष भने भब्य रुपमा मनाउन थालीएको छ । महोत्वसको पहिलो दिन आज गोरखा बजारदेखी–ठुलो आगन–सतिपिपल हुदै गोरखनाथ गुफासम्म कलश यात्रा तथा झाकी सहितको ¥याली गएिको थियो । आजे गोरखा नाथ गुफा अगाडी भगवान शिवको झण्डोतोलन गरिएको छ ।
११ दिनसम्म चल्ने महोत्सवमा दरर्बार परिषरमा भजन कृतन र नाचगानको कार्यक्रम राखिएको केन्द्रले जनाएको छ । रोट महोत्सवलाई सुरुदेखी नै गोरखाको धार्मीक पर्यटनको बिकासको रुपमा हेरिदै आएको छ ।
रोट महोत्सवमा आउने भक्तजनलाई सिद्धाश्रम शक्ति केन्द्रले खान बस्न निशुल्क ब्यवस्था गरेको केन्द्रकी साधिका विन्देश्वरी बरालले जानकारी दिईन ।
रोट के लाई भन्निछ ?
रोट दुई किसीमको हुन्छ । भुग्रे र ताई रोट । रोटहरु मध्ये गुरु गोरखनालाई मन पर्ने ताई रोट हो । यो चामल, गहुँ वा जौ को पिठोलाई वास्ना तथा शक्ति वर्धक विभिन्न ५२ मसला मिसाएर बनाउने गरीन्छ ।
मन्दिरमा बस्ने नाथ संप्रदायका मानिसहरुले ध्यूमा पाकाएर तयार पारीएको रोटीलाई रोट भन्निछ । रोटमा ल्वाङ्ग, सुकमेल, जाइफल, जाइपत्रि, काजु, पिस्ता, सौफ, नरीवल, मह, दाख, चिनी, खुदो जस्ता ५२ प्रकारका मसलाहरु मिसाएर तयार गर्ने गरीन्छ ।
सानो सानो आकारमा तयार गरीने यो रोटलाई नाथ प्रजातीका ब्यक्तिहरुले सुद्व भै मन्त्र जाप गरी विचको भाग उठाएर वनाएको हुन्छ । गुरु गोरखनाथको अति प्रिय खाने वस्तु मानिएको यो रोटको ऐतिहासीक महोत्व समेत रही आएको छ ।
नेपाल एकिकरणका वेला तात्कालिन राजा पृथ्वीनाराण शाह तथा उनका सेनाहरुले अन्य राज्य कब्जा गर्न जादाँ उत्त रोट र पानी खाएर लडेको अवस्थामा विजयी हासील गरेको किंवदन्ती समेत पाइन्छ ।