रिडी । लुम्बिनी प्रदेशको ३ जिल्लालाई जोड्नेगरी निर्माण भईरहेको रिडीको झोलुङ्गेपुलको काम अन्तिम चरणमा पुगेको छ । स्याङ्जा, पाल्पा र गुल्मीलाई जोड्ने देशकै पहिलो तीनमुखे ७ वर्षअघिदेखी रिडीमा निर्माण भई रहेको छ ।
३ वर्षभित्र पुल निर्माण सम्पन्न गर्नेगरी २०७१ साल असार १० गते निर्माण कम्पनीसँग ठेक्का सम्झौता भएको भएता पनि विभिन्न बहानामा ७ वर्ष पछि मात्र पुलले पूर्णता पाउन लागेको छ । पुलले स्याङ्जाको कालीगण्डकी १ को कारिकोट चन्डीभञ्ज्याङ, पाल्पाको तानसेन नगरपालिका १४ को अर्गली र गुल्मीको रुरु गाउँपालिका १ रिडी जोड्नेछ ।
पुल निर्माण गर्न ९ करोड ८८ लाख २६ हजार ३३२ रुपियाँमा नयाँ बाटो–रुबिना–मना–जेबीले पाएको थियो । पुल सञ्चालनमा आए लगत्तै पर्यकट बड्ने कालीगण्डकी गाउँपालिका अध्यक्ष खिमबहादुर थापाले बताए ।
पुलको काम सम्पन्न भएता पनि रंगरोगन र बत्ती जडान गर्ने काम बाँकी रहेको छ । पुलको गुल्मीबाट निर्वाचित सांसद चन्द्र भण्डारी र तत्कालीन मुख्यसचिव लीलामणि पौडेलले संयुक्त रूपमा शिलान्यास गरेका थिए ।