गोरखा । चेम्वर अफ कमर्स गोरखाको आयोजनामा हुने कृषि तथा ब्यापार मेला आजदेखी सुरु हुदै छ । गोरखा सदरमुकामको खेलकुद मैदानमा सुरु हुने मेला पुस २७ गतेसम्म सञ्चालन हुने कमर्सले जनाएको हो ।
मेलाको बिषयमा खेलकुद मैदान विवादमा आए पछि पुष ५ गतेबाट १५ गतेसम्म हुने भनिएकोमा विवाद समाधान भए लगत्तै पुस १८ गतेदेखी २७ गतेसम्म सञचालनमा आउन लागेको हो ।
मेलामा कृषि उत्पादनको प्रदर्शनी, घरेलु उद्योगबाट उत्पादीत सामग्रीका साथै जाती विशेषको खाना र अन्य स्टलहरु रहने आयोजक संस्थाले जनाएको छ ।
मेलाले ब्यापार ब्यवशाय, कृषि उत्पादन बिक्री, पर्यटकीय स्थलको प्रचार प्रसारमा सहयोग पुग्ने आयोजक संस्थाले जनाएको छ । मेला अवधीभरमा ३ करोड भन्दाबढिको कारोबार हुने अनुमान चेम्बरले गरेको छ ।
मेला अवधी भरमा करिब ५० हजार मानिसले मेलाको अबलोकन गर्ने अनुमान चेम्बर अफ कमर्सले गरेको छ ।
मेलामा १३० वटा स्टल राखिएको पनि आयोजक संस्थाले जनाएको छ ।