गोरखा । नेपालकै पहिलो मनकामना केबलकार मर्मत संभार लगत्तै सञ्चालनमा आएको छ । एनालगबाट डिजिटल प्रविधिमा लान ४ दिन बन्द गरेर मर्मत गरे लगत्तै आजदेखी सञ्चालनमा आएको हो ।
गएको आइतबारदेखी बन्द भएको केबलकार बुधबारदेखी सञ्चाललमा आएको स्टेशन म्यानेजर उज्वल शेरचनले बताए ।
केबलकार संचालनको लामो अवधी संगै अहिले एनालग कनेक्ट प्रणालीबाट केबलकार केही बर्ष भित्रै डिजिटल प्रणालीमा स्तरोरोन्नती गर्न लागिएको संञ्चालक मध्येका राजेशबावु श्रेष्ठले बताए । ‘यो प्रणाली विश्वभर नै पुरानो हुन थाल्यो । हामी तत्कालै नयाँ प्रविधिमा जादै छौ’ उनले ‘एनालगबाट डिजिटलमा जाने सबै प्रकृया पुरा भएको र आगामी बर्ष भित्रै केबलबार डिजिटल प्रणाली मार्फत सञ्चालनमा आउने’ भए पछि ४ दिन बन्द गरेर सञ्चालनमा ल्याएको जानकारी दिए ।
एनालगबाट डिजिटल प्रणालीमा लान मनकामना दर्शन प्रालिले ३० करोड रुपैयाँ खर्च गर्न लागेको सञ्चालक श्रेष्ठले जानकारी दिए ।