गोरखा । गोरखाको उत्तरी गाउँ न्याकमा नेपाल टेलिकमले पहिलो पटक फोजी सेवा सुचारु गरेको छ । न्याकमा हालै निर्माण सम्पन्न भएको टावरबाट सोमबार साँझबाट फोजी सेवा सुरु भएको हो ।
जिल्लाको चुमनुब्री गाउँपालिकाको ३ मा रहेको न्याक गाउँमा पहिलो पटक फोजी सेवा सुरु भएको हो । उत्तरी गोरखाका जनता र मनास्लु पदमार्गमा जाने पदयात्रीलाई लक्षित गरेर टेलिकमले पहिलो पटक उत्तरी गोरखामा फोजी सेवा सञ्चालनमा ल्याएको छ ।
उत्तरी गोरखामा फोजी सेवा सुरु भएको यो नै पहिलो भएको नेपाल टेलिकम गोरखा शाखाका प्रमुख राजेन्द्रबहादुर श्रेष्ठले बताए । त्यो बाहेक पनि टेलिकले छेकम्पार र बिहीमा पनि तत्कालै फोजी सेवा सञ्चालनमा ल्याने तयारी गरीरहेको छ ।
एकै पटक तिनै स्थानमा फोजी सेवा सञ्चालनमा ल्याउन लागिएको भएता पनि केरौंजामा रहेको टावरबाट न्याकलाई मात्र रेडियो लिंक पास भएको र अन्य २ वटा स्थानमा रहेको टावरमा रेडियो लिंक पास हुन नसक्दा छेकम्पार र बिहीको टावरबाट फोजी सेवा सञ्चालन गर्न नसकिएको शाखा प्रमुख श्रेष्ठले जानकारी दिए ।
छेकम्पार र बिहीमा रहेको टावरबाट पनि मंगलबार साँझ सम्म फोजी सेवा सञ्चालन गर्न प्राविधिकहरुले काम गरी रहेको छ । ‘चिसोका कारण छेकम्पार र बिहीको टावरमा रेडियो लिंक पास हुन नसकेको’ शाखा प्रमुख श्रेष्ठले जानकारी दिदै ‘प्राविधिकहरु सोही स्थानमा बसेर काम गरिरहेकोले मंगलबार साँझ सम्म फोजी सेवा सञ्चालनमा आउन सक्ने’ श्रेष्ठले बताए ।
फोजी सेवा सञ्चालन संगै त्यहाँका स्थायिनले खुशी ब्यत्त गरेका छन् । अहिले सम्म पनि उत्तरी गोरखामा फोन सम्र्पकमा समस्या आउदै गरेकोमा टेलिकमको टावर निर्माण संगै मोबाईल फोन सञ्चालनमा सहजता आएको र डाटा सञ्चालनका लागी फोजी सेवा सुरु भए संगै ईन्टरनेटमा सहजता आउने टेलिकम गोरखा शाखाले जनाएको छ ।
उत्त क्षेत्रमा फाईवर नभएका कारण रेडियो लिंक पास गरेर सेवा सञ्चालन गनुपरेको र चिसोकै कारण समस्या आएको भन्दै मंगलबार साँझ फोजी सेवा सञ्चालनमा नआएता पनि केही दिन भित्रै फोजी सेवा सञ्चालन गरेरै छाड्ने टेलिकम गोरखा शाखाका प्रमुख राजेन्द्रबहादुर श्रेष्ठले जानकारी दिए ।
तस्बिर साैजन्य राजेन्द्र कार्की
