गोरखा । ०७२ सालमा आएको महाभूकम्पले क्षति पुरयाएको गोरखाको ऐतिहासिक तथा पुृरातात्वीक गोरखकाली मन्दिरको मर्मत सुरु गरिएको छ ।
कालिका मन्दिर र रङ्ग महलको रेक्टोफिडीङको काम सुरु भएको गोरखा दरर्बार हेरचाह अडले जनाएको छ ।
‘गोरखा भूकम्प’ले क्षति पुरयाएको ६ बर्षपछि बल्ल मन्दिरको मर्मत संभारको कामको थालनी भएको हो । भूकम्पले गोरखा दरर्बार पनि कामै नलाग्ने गरी क्षति पुरयाएको थियो । दरर्बारको पुनःनिर्माणको काम अहिले सम्म सकिएको छैन । बाहिरी काम सकिएको भएता नि भित्री काम अझै बाँकी रहेको हेरचाह अडले जनाएको छ ।
०७२ साल बैशाख १२ गते गएको बिनासकारी भूकम्पले गोरखा दरर्बार, गोरखाकाली मन्दिर, गोरखनाथ गुफाका साथै रोट घर र वरपर रहेका धेरै जसो संरचनालाई क्षति पुरयाएको गोरखा दरबार हेरचाह अड्डाका प्रमुख हरिप्रसाद भुसाले जानकारी दिए ।
मर्मत पछीकाे राेट घर
‘दरर्बारको काम अधकल्चो हुदै मन्दिर रेक्टोभिडीङका लागी सोही ठेकेदार कम्पनी संग विभागले सम्झौता गरी कामको थालनी गरेको छ । अहिले मन्दिरवरपर ट्रष्ट हाल्ने काम सकिएको र मन्दिरको माथिल्लो तला भत्काउने काम भई रहेको प्रमुख भुसालले जानकारी दिए ।
भुकम्पले क्षति पुरयाएको मन्दिर पुरै भत्काएर पुनःनिर्माण गर्ने भनिएपनि प्राविधीकहरुको सल्लाह अनुसार रेक्टोफिटिङ गर्न लागिएको पुरातत्व विभागका प्रमुख दामोदर गौतमले बताए । ‘पुरातत्वका प्राविधिकहरुका अनुसार रेक्टोभिडीग गरेर पनि पुरानै अबस्थामा ल्याउन सकिने भन्ने भएका कारण रेक्टोफिडीङ गर्ने गरी कामको थालनी गरिएको’ प्रमुख गौतमले बताए ।
तस्बिर साैजन्य हरिहर श्रेष्ठ
मन्दिर रेक्टोफिडीङका लागी धर्म÷एसआरआर जेभीसंग १ करोड ९५ लाख ६५ हजारमा ठेक्का सम्झौता भएको हो । ठेकेदार कम्पनीले आउदो असार मसान्त सम्ममा उत्त काम सकेर मन्दिर हस्तान्तरण गनुपर्ने छ ।
मन्दिर र दरर्बार पूजा तथा घुम्न आउनेहरुका लागी सहज होस भनेर २ चरणमा काम थालिएको पुरातत्व विभागले जनाएको छ ।
