गोरखा । गोरखाको मनकामना र गोरखकाली मन्दिरमा पशु बली दिनेको घुईचो लागेको छ । भाकल गरेर ईच्छा पुरा भएपछि आज दुवै मन्दिरमा पशु बली दिने प्रचलन रहदै आएको छ ।
मनकामना मन्दिरमा बिहानै देखी दर्शनार्थी र बली दिनेको घुईचो लागेको मुल पुजारी ईन्सानबहादुर थापाले बताए । आजको दिनमा साँझ सम्म मनकामना मन्दिरमा १० हजार भन्दा बढी श्रद्वालुहरुले दर्शन गर्ने र १ हजार भन्दा माथि पशु बली हुने अनुमान गरिएको छ ।
उता गोरखा बजारमा रहेको गोरखाकाली मन्दिरमा पनि बिहानै देखी सर्व साधारणहरुले भिड लागेको गोरखा दरर्बार हेरचाह अडा्का हरी सारुले जानकारी दिए । देवीको विशेष पुजा लगत्तै पशु वली सुरु भएको सारुले बताए ।
बिहान ४ बजे देखी दर्शनार्थीहरुको लाइन लागेको अडले जनाएको छ । आज मनकामना मन्दिरमा भन्दा गोरखकाली मन्दिरमा पशु बली बढी हुने गर्दछ । मन्दिरमा आज १ हजार भन्दा बढी पशु बली हुने अनुमान गरिएको छ ।
आजको दिनमा देशको विभिन्न भागमा रहेको हिन्दु नेपालीहरुले आफ्नो भाकल पुरा भएको अवशरमा दुवै मन्दिरमा पशु बली दिने गर्दछन् ।
