गोरखा । दुवै खुट्टा गुमाएका रसियन नागकिर रुस्थम नविवले गोरखाको मनास्लु हिमालको सफल आरोहण गर्न सफल भएका छन् ।
सन् २०१५ मा रुसको ओमस्कमा ब्यारेक भत्किँदा दुवै खुट्टा गुमाएर उनले शनिबार बिहान १० बजे विश्व चर्चित मनास्लु हिमालको आरोहण गरेका हुन् ।
२८ वर्षीय नविवले विश्व माझ किलर माउन्टेनको नामबाट चर्चित ८ हजार १६३ मिटर अग्लो मनास्लु हिमालको सफल आरोहण गरेको इम्याजिन नेपाल ट्रेक एन्ड एक्सिपिडसनले पुष्टी गरेको हो ।
दुवै खुट्टा गुमाएका आरोही मनास्लु हिमाल सफल आरोहण गरेको यो नै पहिलो पटक हो । हातले टेकेरै शिखरमा पुगेका उनले मनास्लु हिमाल चुम्न सजिलो नभएता पनि आफुलाई खुशी लागेको बताए ।
यसअघि पनि नविवले १५ घण्टा हातले हिँडेर सन् २०२० मा युरोपको सबैभन्दा अग्लो हिमाल माउन्ट एल्ब्रस आरोहण गरेका थिए । माउन्ट एल्ब्रसको उचाइ भने ५ हजार ६४२ मिटर हो ।
उनी आश्विन ११ गते मनास्लु हिमाल आरोहणका लागि बेसक्याम्प पुगेका थिए ।
तस्बिर इम्याजिन नेपाल ट्रेक एन्ड एक्सिपिडसन
