घटना क्रम अनुसार गोरखा नगरपालिका ७ बतासे पौवा खेत भन्ने स्थानका ५६ बर्षे आइतबहादुर कामी सोमबार खाना खाएर सुते पछि मंगलबार अबेर सम्म पनि उठदैनन् ।
मंगलबार घर परिवारका मानिस गएर उठाउन खोज्दा उनी मृत्त अवस्थामा फेला पर्छन् र प्रहरीलाई त्यसको खबर प्राप्त हुन्छ ।
प्रहरी घटना स्थल पुगेर अनुसन्धान गर्दा र मृत्तक आइतबहादुर कामीको पोष्टमार्टम गर्दा घाँटीमा दाग देखिए पछि प्रहरीको अनुसन्धानले गति लिन्छ ।
सोही क्रममा हत्या आरोपमा उनकै श्रीमती ५५ बर्षिया माईली कामीलाई प्रहरीले नियन्त्रणमा लिएर सोधपुछका क्रममा सोमबार राती नै हातले घाँटी थिची हत्या गरेको स्विकारछन् ।
स्थायी ठेगाना धार्चे गाउँपालिका २ केरौजा घर भएका उनीहरु स–परिवार ०७२ सालको ‘गोरखा भूकम्प’ पछि गोरखा नगरपालिका ७ को पौवा खेतमा घर निर्माण गरी बसेको प्रहरील जानकारी दिएको छ ।
घटना भएको दिनमा मृत्तकका कान्छा छोरा र बुहारी समेत घरमा नै भएको भएता पनि उनीहरुले त्यस बिषयमा कुनै पनि जानकारी पाउन नसकेको जिल्ला प्रहरी कार्यालय गोरखामा प्रहरी नायब उपरिक्षक प्रकाश दाहालले जानकारी दिए ।
गोरखा प्रहरीका अनुसार कामीको हत्या हुन भन्दा केही समय अगाडी श्रीमान श्रीमती बिच झगडा भएको र श्रीमतीलाई चोट लाग्ने गरी श्रीमानले कुटपिट गरे पछि सोही आवेगमा श्रीमतीले रक्सीले मातेका श्रीमानको घाँटी थिचेर हत्या गरेको देखिन आएको जनाएको छ ।
हत्या आरोपी माईली कामीलाई आजै गोरखा जिल्ला अदालतमा कर्तब्य ज्यान मुद्वामा मुद्वा दर्ता गरी थप अनुसन्धानका लागी म्याद थप गरिएको जिल्ला प्रहरी कार्यालयका सूचना अधिकारी दाहालले बताए ।
तस्बिर गाेरखा प्रहरी
