गोरखा । कम्प्यूटर एशोसियसन अफ नेपाल (क्यान) गोरखाको छैठौं साधारण सभा सम्पन्न भएको छ ।
गोरखा सदरमुकाममा सम्पन्न साधारण सभाले आगमी दिनमा गर्ने कार्यहरुको सभाबाट सर्व सम्मत निर्णय पनि गरेको छ ।
कोरोना महामारीका कारण गएको आर्थिक बर्षमा काम गर्न असहज भएको भन्दै क्यान गोरखाले यो बर्ष आईसिटी सेमिनार देखी साइबर क्राइम र साइबर सेक्यूरिटी जस्ता सचेतना मुलक कार्यहरु गर्ने क्यान गोरखाले जनाएको छ ।
अध्यक्ष अमृत बोगटीको अध्यक्षतामा सम्पन्न साधारण सभाले बिद्यालय स्तरीय नेपाली टाईपिङ प्रतियोगिताका साथै आईसिटी सम्वन्धी बिद्यालय स्तरीय जनचेतना मुलक कार्यक्रम गर्ने पनि निर्णय गरेको अध्यक्ष बोगटीले जानकारी दिए ।
सदरमुकामको एक होटलमा गरिएको साधारण सभामा भौतिक रुपमा उपस्थित हुन नसक्ने सदस्यहरु भर्चुअल माध्यामबाट पनि सहभागी भएको क्यान गोरखाले जनाएको छ ।
कार्यक्रममा क्यान महासंघका केन्द्रिय सचिव जगनबहादुर गुरुङको प्रमुख आतिथ्यतामा सम्पन्न साधारण सभामा क्यान गोरखाका सह सचिव सानुकाजी श्रेष्ठ र कोषाध्यक्ष भक्तराम रानाले संस्थाको प्रगती प्रतिवेदन सुनाएका थिए ।