गोरखा । हामी बिहान उठे देखी साँझ सम्म कती चिनी खान्छौ होला ? चिया, केक, चकलेट वा अन्य कुनै मिठाइ हाम्रो दैनिकी नै भई सकेको छ ।
यदी तपाई स्वास्थ्य रहन चाहानु हुन्छ भने आजै देखी चिनीको प्रयोगलाई बन्द गरेर सख्खर खाने गर्नु होला । आज सम्मको अध्ययनहरुले चिनीले फाइदा भन्दा पनि बेफाइदा बढी गर्छ । त्यस कारण प्रशोधित चिनीको साटो सख्खरको प्रयोग स्वस्थवर्धक मानिन्छ ।
सख्खर खाने भनेर धेरै खानु पनि राम्रो मानिदैन । त्यसैले सख्खर प्रयोग गर्दा सिमित मात्रामा प्रयोग गर्नु विज्ञरुको सूझाव छ ।
सख्ख खानुको फाइदाहरु
१) अध्ययनले चिनी भन्दा सख्खर मानिसको स्वास्थ्यको लागी उपयुत्त मानेको छ ।
२) सख्खर मानिसको स्वास्थ्यका लागि वरदान हो । सख्खर खाँदा शरीरले विभिन्न पोषक तत्त्व प्राप्त गर्छ ।
३) चिनी बनाउदा मोलेसिस नामको ‘बाई प्रोडक्ट’ लाई हटाइन्छ । मोलेसिस एउटा पौष्टिक तत्व हो । सख्खरमा मोलेसिस भएका कारण यो प्रयोग स्वास्थ्यलाई फाइदा पुग्छ ।
४) सख्खर भिटामिन र मिनरल्सले भरिपूर्ण हुन्छ ।
५) प्रशोधित सेतो चिनीमा क्यालोरी मात्रै पाइन्छ । यसमा भिटामिन, मिनरल, प्रोटिन, फ्याट, फाइबर वा अन्य लाभकारी यौगिक तत्त्व केही पनि पाइँदैन । तसर्थ यो शरीरका लागि हानिकारक ।
६) प्रशोधित चिनीले रोग प्रतिरोधी क्षमतालाई कमजोर बनाउन सक्छ जसका कारण रोगले छिट्टै गाँज्ने सम्भावना हुन्छ र शरीरको रोगमुक्त गर्ने क्षमतामा पनि ह्रास आउँछ ।
७) सख्खर एउटा निकै राम्रो ‘इम्युनिटी बुस्टर’ हो । यसको सेवनले खोकी, रुघालगायतका रोगबाट बचाउने गर्छ ।
८) सख्खरको सेवनले पाचन प्रणालीलाई स्वस्थ, रक्तअल्पत्ताको रोकथाम हुनुका साथै यसले कलेजोको डिटक्सिफिकेशन र उत्कृष्ट प्रतिरक्षा कार्यमा सुधार गर्ने गर्छ ।
९) चिनीले मोटोपना, टाइप–२ मधुमेह, हृदयरोग, डिप्रेशन, डिमेन्सिया, कलेजोसम्बन्धी रोग र क्यान्सरसमेत हुने खतरा हुन्छ ।
१०) हाई फ्रुक्टोज कर्न सिरप वा एचएफसीएस ५५ एक प्रकारको प्रशोधित चिनी हो । जसमा ५५ प्रतिशत फ्रुक्टोज र ४२ प्रतिशत ग्लुकोज हुन्छ ।
११) सख्खरमा ७० प्रतिशतभन्दा बढी सुक्रोज, १० प्रतिशतभन्दा कम आइसोलेटेड ग्लुकोज र फ्रुक्टोज र ५ प्रतिशत मिनरल हुन्छ ।
यती कुरा पढी सके पछि अब चिनी खाने कि सख्खर त्यो तपाईको बिचार । तपाई तपाईको स्वास्थ्यको ख्याल राख्न चाहनु हुन्छ भने सख्खर तपाईको लागी लाभदायक सावित हुने छ ।
