गोरखा । कोरोना महामारीका बिचमा पनि गोरखा जिल्ला सदरमुकाममा रहेका नेवार समुदायले आफ्नो चाड गाईजात्रा र हिलेजात्रा पर्व मनाए ।
०७६ साल सम्म नेवार समुदायले परम्परा देखी मनाउदै गाईजात्रा तथा हिलेजात्रा धुमधामका साथ मनाएको भएता पनि पछिल्लो २ बर्ष कोरोनाका कारण साँकेतिक रुपमा मात्र मनाएका छन् ।
महामारी र जिल्ला कोभिड ब्यवस्थापन समितिले जिल्लामा निषेधाज्ञा जारी गरे पछि भने परम्परागत जात्रा तथा पर्वहरु साँकेतिक रुपमा मात्र मनाउन थालिएको नेवार समुदायका अगुवाहरुले बताए ।
नेवारहरुको ठुलो बसोबास रहेको गोरखा सदरमुकाममाको केही स्थानमा साँकेतिक रुपमा मात्र गाईजात्रा र हिलेजात्रा मनाईएको थियो ।
बिगतमा हजारौं मानिसहरु जम्मा भएर रमझमका साथ मनाईने यस्ता पर्व लोप हुने खतराका कारण टोलभित्र मात्र सिमत रहने गरी सिमित मानिहरुका बिच गाई निकाल्ने देखी बजार परिक्रममा गर्ने र गाई सेलाउने काम सम्पन्न गरेको थियो ।
रक्षा बन्धनकालागी घर घरमा आउने ब्रामणहरु आएनन् भने जात्राको पहिलो दिनमा नौ धारा नुहाउने चलनलाई पनि सिमित मानिसहरु मात्र भएर मनाए ।
बाजा बजाउने देखी नाच्ने र विभिन्न भेषमा देखा पर्नेहरुले पनि यस पटक सामान्य रुपमा देखा परे ।
परम्परा अनुसार गाई निकाले पछि सदरमुकामको बिच भागमा रहेको रानी पोखरीमा सेलाउन जाने परम्परालाई पनि साँकेतिक रुपमा नै सिमित मानिसहरुका बिच सम्पन्न गरेका थिए ।
अन्य तस्बिरहरु
