गोरखा । गोरखा सदरमुकाम घर भएका डा.उत्तमबावु श्रेष्ठले ५५ लाख रुपैयाँ राशी भएको नेसनल जिओग्राफिक एक्सप्लोरर अवार्ड प्राप्त गरेका छन् ।
गोरखा नगरपालिका ६ लोकतान्त्रिक चोक निवासरी श्रेष्ठलाई बातावरण बिज्ञानका अध्येता एवम अनुसन्धान तर्फ अमेरिकाको नेसनल जिओग्राफिक सोसाइटीले ४६ हजार डलर (नेपाली ५५ लाख रुपैयाँ) बराबरको अनुसन्धान वृत्ति प्रदान गरेको हो ।
कोरोनाले नेपालको पर्यापर्यटन, वन्यजन्तु, वनस्पति लगायत जैविक विविधताको क्षेत्रमा र त्यसमा आश्रित समुदायमा पारेको प्रभावबारे अध्ययन गर्नु अनुसन्धानको मुख्य उद्देश्य रहेको अनुसन्धानकर्ता श्रेष्ठले गोरखा समाचारको कुराकानीमा बताए ।
अनुसन्धान मुख्य गरी नेपालको संरक्षणमा क्षेत्रमा हुने र अब सेप्टेम्बर १ तारिख अर्थात भाद्र १६ गतेबाट सुरु हुने उनले बतए ।
यो अनुसन्धान एक वर्षभित्रमा सम्पन्न गर्नुपर्नेछ । बिश्वका १२ जना अनुसन्धान कर्ताले आवेदन दिएका उक्त अनुसन्धान बृत्तिमा दोस्रो चरणमा ५० जना छनोट भएका थिए ।
छनोट भएकामध्ये १० जनालाई जनही ४६ हजार डलरको अवार्ड दिइएको हो । यो अनुदान पाउने श्रेष्ठ एक्ला नेपाली हुन् ।
श्रेष्ठले यसअघि पनि २ पटक नेसनल जिओग्राफिक एक्सप्लोरर अवार्ड पाइसकेका छन् । वातावरण विज्ञानमा विद्यावारिधि गरेका श्रेष्ठ ग्लोबल इन्स्टिच्युट फर इन्टरडिस्प्लिनरी स्टडिजका निर्देशक समेत हुन् ।
