एजेन्सी । खेलाडी र फुटबल फ्यानबीच झगडा भएपछि फ्रेन्च लिग वान अन्तर्गत मार्सेली र नीसबीचको खेल स्थगित गरिएको छ ।
आइतबार राती भएको खेलमा खेलको ७५औ मिनेटमा नीसका फ्यानले मार्सेलीका खेलाडीलाई बोतलले हान्न शुरु गरेपछि खेल अवरुद्ध भएको थियो ।
नीसका फ्यानले मार्सेलीका डिमिट्री पायेटलाई कर्नर क्षेत्रमा बोतलले हानेपछि खेलाडी र दर्शक बिच केही बेर हानाहान नै भएको थियो ।
फ्यानहरुले बोतलले हाने पछि खेलाडीले पनि फ्यानमाथि बोतल फालेका थिए । त्यस पछी फ्यानहरुले मैदानमै छिरेर खेलाडीमाथि आक्रमण शुरु गरेका थिए । घटनामा एक जना घाइते भएको बताइएको छ ।
लिगको नियम अनुसार मार्सेलीलाई ३–० को हारको नतिजा दिइएपनि यसको निर्णय छानबिनपछि हुने बताइएको छ । ७५ मिनेटसम्म नीस १–० ले अगाडी रहेको थियो ।
