गोरखा । गोरखाको स्थानीय तहको बेरुजु करिब २४ करोड बेरुजु देखिएको छ । आब २०७७-०७८ जिल्ला भित्रको ११ पालिकाको २३ करोड ५३ लाख ८६ हजार रुपैँया बेरुजु देखिएको हो ।
महालेखा परीक्षकको कार्यालयले ५८ औँ वार्षिक प्रतिवेदनमा सार्वजनिक गरे अनुसार जिल्लाको ११ स्थानिय तहमा २३ करोड ५३ लाख ८६ हजार रुपैँया बेरुजु देखिएको छ । महालेखाले १० अर्ब ७५ करोड ३३ लाख ५४ हजारको लेखापरीक्षण गर्दा २.१८ प्रतिशतले हुन आउने बेरुजु देखिएको जनाएको छ ।
सबैभन्दा बढि बेरुजु बारपाक सुलिकोट गाउँपालिका रहेको छ । पालिकाले १ अर्ब ७ करोड ४९ लाख ७२ हजारको लेखापरीक्षण गराउदा ४.६६ प्रतिशतले हुन आउने ५ करोड १ लाख १ हजार बेरुजु देखिएको छ ।
चुमनुब्री गाउँपालिकाको ४७ करोड ३८ लाख ३७ हजारको लेखापरीक्षण हुदाँ ७.५८ प्रतिशतले ३ करोड ५८ लाख ९६ हजार रुपैयाँ बेरुजु देखिएको महालेखाले जनाएको छ ।
जिल्लाको सबैभन्दा कम बेरुजु देखिएको शहिद लखन गाउँपालिकामा ८७ करोड २१ लाख ६ हजारको लेखापरीक्षण हुदाँ ८ लाख ६८ हजार रुपैयाँ बेरुजु देखिएको छ । प्रतिशतका आधारमा यो ०.१० प्रतिशतहुन आउने महालेखाले जनाएको छ ।
त्यस्तै, गरी गोरखा नगरपालिकामा १ अर्ब ७८ करोड ७५ लाख ३४ हजारको लेखापरीक्षण गराउदा २.२२ प्रतिशतले ३ करोड ९६ लाख ६९ हजार रुपैयाँ बेरुजु देखिएको छ भने जिल्लाको अर्को पालुङटार नगरपालिकामा १ अर्ब ५९ करोड ८६ लाख ३६ हजारको लेखापरीक्षण हुदाँ १.२६ प्रतिशतले हुन आउने २ करोड ९६ हजार बेरुजु देखिन आउको छ ।
ृउता सिरान्चोक गाउँपालिकामा १ करोड ६८ लाख ५१ हजार, अजिरकोट गाउँपालिकामा ५६ लाख ९३ हजार, आरुघाट गाउँपालिकामा ५६ लाख ६ हजार र धार्चे गाउँपालिकामा २ करोड ४२ लाख २३ हजार बेरुजु देखिएको छ ।
भिमसेन थापा गाउँपालिकामा २ करोड ७२ लाख ६४ हजार र गण्डकी गाउँपालिकामा ९१ लाख १९ हजार रुपैँया बेरुजु देखिएको महालेखाको कार्यालयले जनाएको छ ।
