हात्ती र माउतेलाई ठक्कर दिने सवारी
बारा । बाराको पथलैयामा ट्रकको ठक्करबाट हात्तीसहित २ जना घाइते भएका छन् ।
बिहीबार राती पथलैया नजिकको सडकमा गस्तीबाट फर्कँदै गरेको पर्सा राष्ट्रिय निकुञ्जको १ हात्तीसहित २ जना माहुतेलाई ना ५ ख ३५५७ नम्बरको ट्रकले ठक्कर दिदा गम्भीर घाइते भएका हुन् ।
ट्रकको ठक्करबाट ६५ वर्षीय मेनका कली नाम गरेकी हात्तीसहित माहुत अजित चौधरी र पछुबा पवन सिंह गम्भीर घाइते भएको निकुन्जले जनाएको छ ।
गम्भीर घाइते चौधरी र सिंहको वीरगञ्जमा उपचार भइरहेको छ भने हात्तीको अमलेखगञ्जस्थित हात्तीसारमा उपचार भई रहेको पर्सा राष्ट्रिय निकुञ्जले जनाएको छ ।
राष्ट्रिय निकुन्ज तथा वन्यजन्तु संरक्षण ऐन २०२९ अनुसार संरक्षित जनावर माथिको आक्रमण गरेमा ५ देखि १५ वर्ष कैद र ५ देखि १० लाख जरीवाना वा दुबै सजायँ हुने व्यवस्था छ ।
