काठमाण्डौं । मार्सी चामल बाट बनेको मार्सी बियर बजारमा आएको छ । सबै भन्दा उच्च भागमा फल्ने मार्सी चामलबाट बनेको मार्सी बियर बजारमा आएको हो ।
टाइगर्स ब्रुअरीले बजारमा ल्याएको मार्सी बियर देशैभरी उपलब्ध गराईएको कम्पनीले जनाएको छ । कम्पनीले मार्सी प्रिमियम, मार्सी स्ट्रङ र मार्सी झ्याप गरी तीन प्रकारका बियर बजारमा ल्याएको छ ।
अन्य बियरहरु भन्दा फरक स्वादको भएको दाबी कम्पनीले गरेको छ । हाल ३३० र ६५० मिलिलिटरका बोतलमा यो बियर उपलब्ध छ ।
मार्सी बियरमा नेपालमा फलेका अन्नको स्वाद पाईने कम्पनीको दाबी छ । जर्मन प्रविधि प्रयोग गरेर बनाईएको बियरमा जुम्लाको हिमाली भेगमा फलेको मार्सी चामल प्रयोग गरिएको छ ।
