साँकेतिक तस्बिर
गोरखा । उत्तरी गोरखाको केरौजामा बादर कुर्न बारीमा गएका ब्यक्ति मृत्त फेला परेका छन् ।
धार्चे गाउँपालिका २ केरौजाका ३७ बर्षिय काले गुरुङ गाउँ नजिकैको खाम्चे खोलामा मृत्त अवस्थामा फेला परेको जिल्ला प्रहरी कार्यालय गोरखाले पुष्टी गरेको हो ।
बिहीबार बिहान ८ः०० बजे घरबाट बेशीमा रहेको मकै बारीमा बादर कुर्न गएका गुरुङ २२ गते अर्थात शुक्रबार बिहान सम्म पनि परिवारको सम्र्पकमा नआए पछि स्थानिय र प्रहरीको सहयोगमा खोजतालस गर्दा शुक्रबार बिहान ९ः३० बजे खाम्चे खोलामा मृत्त अवस्थामा फेला परेको जिल्ला प्रहरी कार्यालय गोरखाका प्रहरी नायव उपरिक्षक एवं सूचना अधिकारी प्रकाश दाहालले बताए ।
बिहीबार देखी हराएका उनको खोजीकोलागि परिवारले प्रहरीलाई समेत जानकारी गराएको पारिवारीक श्रोतले जानकारी दिएको छ ।
स्थानिय तथा प्रहरीका अनुसार बारीमा बादर आए पछि लखेट्दै जाने क्रममा भिरबाट लडेर १५० मिटर तल रहेको खाम्ते खोलामा खसेको अनुमान गरिएको छ ।
घर देखी २ किलो मिटर पर रहेको उत्त स्थानमा प्रहरीले स्थानिय संग बुझने काम भई रहेको र घटनाको अनुसन्धान सुरु गरिएको जिल्ला प्रहरी कार्यालय गोरखाले जनाएको छ ।