गोरखा । गोरखामा बिहीबार थप ११५ जनामा संक्रमण पुष्टी भएको छ ।
गोरखा अस्पताल, पालुङटार नगरपालिका, आरुघाट, चुमनुब्री र अजिरकोट गाउँपालिकामा गरी ११५ जनामा संक्रमण देखिएको स्वास्थ्य कार्यालय गोरखाले पुष्टी गरेको हो ।
बिहीबार सबै भन्दा धेरै पीसीआर परिक्षण गर्दा ७७ जनामा संक्रमण देखिएको छ । जस मध्ये ४३ जना महिला र ३४ जना पुरुष रहेका छन् ।
त्यस्तै गरी एन्टिजेन प्रविधी मार्फत ३८ जनामा संक्रमण देखिएको छ । जस मध्ये २३ जना महिला र १५ जना पुरुष रहेका छन् ।
बिहीबार जिल्लाको आरुघाट गाउँपालिकामा सबै भन्दा धेरै संक्रमित थपिएको छ । जहाँ ५४ जना संक्रमित थपिएको कार्यालयले जनाएको छ ।
संक्रमण देखिएका मध्ये पीसीआर तर्फ पालुङटार नगरपालिकामा २० जना महिला र ९ जना पुरुष र आरुघाट गाउँपालिकामा २३ जना महिला र २५ जना पुरुषमा संक्रमण देखिएको छ ।
यता एन्टिजेन परिक्षणका क्रममा गोरखा अस्पतालमा ९ जना महिला र ७ जना पुरुष, आरुघाट गाउँपालिकामा ३–३ जना महिला र पुरुष, चुमनुब्री गाउँपालिकामा ३ जना महिला र २ जना पुरुष तथा अजिरकोट गाउँपालिकामा ८ जना महिला र ३ जना पुरुषमा संक्रमण देखिएको कार्यालयले जानकारी दिएको छ ।
बिहीबार संक्रमण देखिका मध्ये २४८ जना पुरुष र १८८ जना महिलाको पीसीआर र ७३ जना महिला र ६१ जना पुरुषको एन्टिजेन परिक्षण गर्दा ११५ जनामा संक्रमण देखिएको हो ।
बिहीबार नै कार्यालयले ११२ जना महिला र १०३ जना पुरुषको पीसीआर संकलन गरेको छ ।
कार्यालयले दिएको जानकारी अनुसार बिहीबार सम्म जिल्लाको विभिन्न स्थानिय तहमा ६८३ जना सक्रिय संक्रमित रहेका छन् ।