काठमाण्डौ । नोबल कोरोना भाइरस (कोभिड–१९)बाट आज थप ४ हजार १०७ जनामा संक्रमण पुष्टी भएको छ ।
देशभरको विभिन्न प्रयोगशालामा गरिएको १० हजार ३५४ पिसिआर परिक्षणका क्रममा २ हजार ९७५ र ४ हजार ९४४ जनाको एन्टीजेन परिक्षणका क्रममा १ हजार १३२ जना गरी बुधबार ४ हजार १०७ जनामा संक्रमण देखिएको स्वास्थ्य तथा जनसंख्या मन्त्रालयले पुष्टि गरेको हो ।
आज संक्रमित भएका सहित नेपालमा संक्रमितहरुको कूल संख्या पीसीआर तर्फ ७ लाख ५ हजार ७२ जना र एन्टिजेन तर्फ ६४ हजार ८५० जना पुगेको छ ।
पछिल्लो २४ घण्टामा कोरोना संक्रमण देखिएका ३५ जनाको ज्यान गएको छ । यो संगै नेपालमा कोरोना संक्रमण भएका ९ हजार ९५७ जनाले ज्यान गुमाएका छन् ।
त्यस्तै थप १ हजार ५३५ संक्रमितले कोरोना जित्न सफल भएका छन् । यो सहित नेपालमा कोरोना जित्नेको संख्या ६ लाख ६१ हजार ६५१ जना पुगेको मन्त्रालयले जनाएको छ ।
