गोरखा । उत्तरी गोरखाको छेकम्पार र चुम्चेत जाने झोलुङ्ग पुलको पनि लडा चुँडेको छ ।
चुमनुबी गाउँपालिकाको ६ मा रहेको चुम्चेत स्थित डुयु खोला माथिको झोलुङ्गे पुल मंगलबार राती आएको पहिरोले लडा चुँडाएर क्षति पु¥याएको स्थानीय सरोज लामाले बताए ।
‘झोलुङ्गे पुल माथिको पहराबाट ढुङ्गा सहितको पहिरो खस्दा पुल पुरै चँुडिएको लामाले बताए । पुलमा क्षतिपुगे पछि अहिले आवाजजावत पूर्ण रुपमा बन्द भएको छ । झोलुङ्गे पुल चुँडाएपछि खच्चडबाट हुने सामान ढुवानीमा समेत समस्या पर्ने भएको छ ।
चुमभ्यालीमा पर्ने छेकेम्पार र चुम्चेतका नागरिकहरु सोही पुल भएर मात्र आवतजावत गर्नुपर्ने हुन्छ । पुल पूर्ण रुपमा क्षती भएका कारण दुवै स्थानका मानिसहरुले अर्को बाटो प्रयोग गर्दा लामो समय लाग्ने स्थानिय गोपाल लामाले बताए ।
पुल चुँडिए संगै खाद्यान्य बोकेर माथी गएका ५ ग्रुप खच्चड बिच बाटोमा अलपत्र परेको लामाले बताए
त्यहाँका स्थानियले पुलको तत्काल मर्मत गरीदिन समेत सरोकारवाला संस्थाहरुलाई अनुरोध गरेका छन् । उत्त पुल कादुरी नेपाल नामक संस्थाको सहयोगमा सन् २०१२ मा निर्माण गरिएको थियो ।
तस्विर : सरोज लामा