काठमाण्डौं । नोबल कोरोना भाइरस (कोभिड–१९)बाट आज थप ३ हजार ३८३ जनामा संक्रमण पुष्टि भएको छ ।
देशैभरको विभिन्न प्रयोगशालामा गरिएको १६ हजार ७१८ जनामा नमूना परीक्षणमा मंगलबार ३ हजार ३८३ जनामा संक्रमण देखिएको स्वास्थ्य तथा जनसंखया मन्त्रालयले पुष्टी गरेको हो ।
मन्त्रालयका अनुसार १० हजार ६३८ जनाको पीसीआर परीक्षणबाट २ हजार ४४८ र ६ हजार ८० जनामा गरिएको एन्टिजेन परीक्षणबाट ९३५ जनामा कोरोना संक्रमण देखिएको हो । यो सहित नेपालमा कोरोना संक्रमितहरुको संख्या पीसीआर तर्फ ७ लाख २ हजार ९७ जना र एन्टिजेन तर्फ ६३ हजार ७१८ जना पुगेको छ ।
मंगलबार १ हजार ९९४ जना कोरोनामुक्त भएका छन् । योसहित नेपालमा कोरोनाबाट निको हुनेको संख्या ६ लाख ६० हजार ११६ जना पुगेको छ ।
पछिल्लो कोरोना संक्रमणका कारण थप २४ जनाले ज्यान गुमाएका छन् । योसहित नेपालमा कोरोनाबाट ज्यान गुमाउनेको संख्या ९ हजार ९२२ पुगेको छ ।