रूपन्देही । सिद्धार्थ राजमार्गको बुटवल–पाल्पा सडकखण्डमा पहिरोले गाडी च्यापिएर घाईते भएका मध्ये १ जनाको ज्यान गएको छ ।
पाल्पाको तिनाउ गाउँपालिका ३ सिद्धबाबा अगाडि हेडबक्स नजिँकै पहिरो जादा लु २ च ७३८७ नम्बरको बोलेरो गाडी च्यापिँदा ३ जना घाइते भएका थिए ।
सोही बोलेरोमा पुरीदा घाइते भएका मध्ये स्याङ्जाको वालिङ नगरपालिकाका २२ वर्षका आशिष खाँण ठकुरीको उपचारको क्रममा ज्यान गएको बुटवल प्रहरीले जनाएको छ । सोमबार साँझ खसेको पहिरोले बोलेरो गाडी च्यापिँएको थियो ।
अन्य घाइतेको लुम्बिनी प्रादेशिक अस्पताल बुटवलमा उपचार भइरहेको प्रहरीले जनाएको छ ।
अवरुद्ध भएको बुटवल–पाल्पा सडक एकतर्फी सञ्चालनमा आएको छ ।
