काठमाण्डौं । तपाईहामीले खाने फल मध्येकै एक हो केरा । केरा विश्वको जुनसुकै देशमा पाइने मध्येको फल पनि हो ।
केराको फल विभिन्न आकार र रंगहरूमा पाइन्छ । साधरणतया सुरुमा हरियो भएपनि पाकेपछि पहेंलो, वैजनी र रातो रंगको हुने गर्दछ ।
केरा स्वादिष्ट फल मात्र होइन यसले औषधिको रुपमा पनि काम गर्छ । यसको नियमित सेवनबाट स्वास्थ्यसम्बन्धी कतिपय रोगबाट बच्न सघाउछ ।
त्यसो भए तपाईहामी पनि दैनिक केरा किन नखाने त ? आउनु होला यसका फाइदाका बिषयमा जानकारी राखौं ।
केराका फाइदाहरु
१) केराले माटोपनलाई नियन्त्रण गर्छ ।
२) दिनहुँ कसरत गर्नुभन्दा ३० मिनेट अगाडि केरा खानुपर्छ । यसले व्यायाम गर्दा शक्ति प्राप्त हुन्छ ।
३) केराले रगतमा चिनीको मात्रालाई नियन्त्रण गर्छ ।
४) केरा खानाले महिनावारी भएको समयमा हुने दुखाई ठिक हुन्छ । महिनावारी भएको समयमा हुने दिक्दारीपनबाट पनि केराले छुट्कारा दिन्छ ।
५) प्रत्येक दिन केरा खानाले रक्तअल्पता हुनबाट बचिन्छ । केरामा प्रशस्त मात्रामा आइरन पाइन्छ जसले रक्तअल्पताको जोखिमलाई न्युनिकरण गर्छ ।
६) केरामा प्रयाप्त मात्रामा पोटासियम पाइन्छ जसले दिमागलाई ताजा बनाइ राख्छ । विशेषगरी बालबालिकालाई केरा खान दिनु उपयुत्त हुने गर्दछ ।
७) धुम्रपान छोड्न चाहानेलाई पनि केराले फाइदा गर्छ । केरा खाएपछि बारम्बार धुम्रपान गर्ने बानीलाई नियन्त्रण गर्न सकिन्छ ।
८) काँचो केरा प्रतिरोधी स्टार्चको राम्रो स्रोेत हो । त्यसैले इन्सुलिन संम्वेदनशीलतामा सुधार गर्न मद्दत गर्छ ।
९) हप्तामा ३ वा ४ दिन केरा खाने बानी गर्नु भयो भने मिर्गौला रोगको जोखिमलाई ५० प्रतिशत कम गर्छ ।
१०) केरा खानाले माशंपेशी बाँउडिने समस्यालाई कम गर्छ ।
११) केरामा भएको फाइबर र एन्टिअक्सिडेन्टले व्यक्तिको पाचन प्रक्रिया र मुटुलाई राम्रो गर्छ ।
